'జంజీర్' తెలుగు వెర్షన్ పై రామ్ చరణ్ ట్వీట్

రామ్ చరణ్ తాజాగా అమితాబ్ సూపర్ హిట్ జంజీర్ ని రీమేక్ ని చేస్తున్న సంగతి తెలిసిందే. ఈ సినిమాని తెలుగులో సైతం రిలిజ్ చేయనున్నారు. ఈ విషయమై రామ్ చరణ్ ట్వీట్ చేసారు. ఆ ట్వీట్ లో....పనిలో పనిగా మేము జంజీర్ ని హిందీతో పాటు తెలుగు వెర్షన్ ని కూడా షూట్ చేస్తున్నాం అన్నారు. అపూర్వ లఖియా దర్శకత్వం వహిస్తున్న ఈ చిత్రానికి అమిత్‌ మెహ్రా నిర్మాత. ప్రియాంక చోప్రా ఈ చిత్రంలో హీరోయిన్ గా చేస్తోంది. ఈ చిత్రానికి మార్కెట్లో అప్పుడే క్రేజ్ మొదలైంది.

గతంలో 'ముంబై సే ఆయా మేరా దోస్త్', 'ఏక్ అజ్‌నబీ', 'షూటవుట్ ఎట్ లోఖండ్‌వాలా' చిత్రాల్ని రూపొందించిన అపూర్వ లఖియా ఈ రీమేక్ కి దర్శకుడు. 1973లో సూపర్ హిట్ అయిన అమితాబ్ బచ్చన్ సినిమా 'జంజీర్'కు ఇది రీమేక్. రాంచరణ్ సరసన ప్రియాంకా చోప్రా నటిస్తున్న ఈ సినిమాలో ప్రకాశ్‌రాజ్, అర్జున్ రాంపాల్, మహీ గిల్ ప్రధాన పాత్రధారులు. ఈ చిత్రాన్ని రిలయెన్స్ ఎంటర్‌టైన్‌మెంట్‌తో పాటు అమిత్ మెహ్రా నిర్మిస్తున్నాడు. పాత ' జంజీర్' దర్శకుడు ప్రకాశ్ మెహ్రా కుమారుడే ఈ అమిత్. తన తండ్రి సాధించిన విజయాన్ని ఈ చిత్రంతో కొనసాగించలనుకుంటున్నాని చెప్తున్నాడు.

అలాగే ఈ చిత్రంలో అమితాబ్ ఓ గెస్ట్ పాత్రలో కనిపించనున్నాడని బాలీవుడ్ సమాచారం. ఈ రీమేక్‌లో అమితాబ్‌ అతిథి పాత్రలో కనపడటానికి అమితాబ్ ఆసక్తి చూపిస్తున్నాడని బాలీవుడ్‌ సమాచారం. ఈ విషయమై దర్శకుడు అపూర్వ లఖియా ని మీడియా సంప్రదించింది. ఆయన మాట్లాడుతూ ''అమితాబ్‌ మా సినిమాలో నటిస్తున్నారని ఇంకా అధికారికంగా చెప్పలేను. ఆయన్ని సంప్రదిస్తున్న మాట వాస్తవమే. బిగ్‌ బి ఆశీస్సులు లేకుండా ఈ సినిమాను తీయలేం'' అన్నారు.

మరో ప్రక్క రామ్ చరణ్ ఈ చిత్రం కోసం హిందీ నేర్చుకుంటున్నాడు. ఆ విషయం చెప్తూ...నా హిందీ నేర్చుకునే విషయానికి వస్తే...ఓ ట్యూటర్ తో నేను హిందీ నేర్చుకునే పనిలో ఉన్నాను అన్నారు. అలాగే ఈ చిత్రం ఆయిల్ మాఫియా చుట్టూ తిరగనున్నట్లు స్క్రిప్టుని తిరగరాసినట్లు దర్శకుడు తెలియచేసాడు. సంజయ్ దత్ ఈ చిత్రంలో విలన్ గా చేయనున్నారు. అగ్నిపధ్ లో సంజయ్ దత్ అదరకొట్టడంతో నెగిటివ్ పాత్రకు ఆయనైతేనే సరిపోతాడని భావిస్తున్నారు. ఇక రామ్ చరణ్ మాత్రం తన తాజా చిత్రం రచ్చ రిలీజై మంచి టాక్ తెచ్చుకుని దూసుకుపోవటంతో చాలా ఉత్సాహంగా ఉన్నారు.