Ram charan in Salman Formhouse

జంజీర్ చిత్రం ద్వారా బాలీవుడ్ ఎంట్రీ ఇస్తున్న మెగా పవర్ స్టార్ రామ్ చరణ్ తేజ్...బాలీవుడ్ బడా హీరోలతో ఇప్పటి నుంచే దోస్తీ ప్రారంభించాడు. ముంబైలో అడుగు పెట్టడంతోనే సినీయర్ బచ్చన్ అమితాబ్ ఆశీర్వాదం తీసుకున్న చెర్రీ ఇప్పడు బాలీవుడ్ టాప్ హీరోలతో దోస్తీ ప్రారంభించాడు.

సినీ రంగంలో..ముఖ్యంగా బాలీవుడ్లో రాణించాలంటే పెద్ద స్టార్లతో రిలేషన్స్ ఉండాలి. ఈ విషయాన్ని గమనించిన చెర్రీ బాలీవుడ్ స్టార్లతో స్నేహం ప్రారంభించాడు. అప్పుడే బాలీవుడ్ స్టార్ హీరో సల్మాన్‌కి చెర్రీ ప్రీతిపాత్రమైన ఫ్రెండ్ అయిపోయాడు కూడా. ఇటీవల సల్మాన్ చెర్రీ కోసం జంజీర్ సెట్లోకి బిర్యానీ పంపాడట. అంతేకాదు తన ఫాం హౌజ్‌లో ఏర్పాటు చేసిన పార్టీకి కూడా ఆహ్వానించాడు.

ఈ మధ్య ముంబైలో రాత్రి 12.30 గంటల వరకు మాత్రమే రెస్టారెంట్స్, హోటల్స్ తెరిచి ఉంటున్నాయి. దీంతో పార్టీలు చేసుకోవాలనుకునే స్టార్లకి ఇబ్బంది అవుతోంది. అలాంటి సందర్భం వచ్చినప్పుడు తన ఫాంహౌజ్‌ను వాడుకోమని, ఫ్రెండ్స్ తో కలిసి పార్టీలు చేసుకోమని, ఎంజాయ్ చేయమని చెర్రీకి చెప్పాడని తెలుస్తోంది.

రామ్ చరణ్, ప్రియాంక చోప్రా జంటగా నటిస్తున్న ‘జంజీర్’ చిత్రానికి అపూర్వ లఖియా దర్శకత్వం వహిస్తున్నారు. అమిత్ మిశ్రా ఈ చిత్రానికి నిర్మాత. ఈ చిత్రం గతంలో బిగ్ బి అమితాబ్ హీరోగా వచ్చిన సూపర్ హిట్ మూవీ ‘జంజీర్’ చిత్రానికి రీమేక్. ఈ చిత్రంలో చెర్రీ టఫ్ పోలీస్ ఆఫీసర్‌గా నటిస్తున్నాడు.