నందమూరి హీరో
తారకరత్న కథానాయకుడుగా వి.ఎం.సి కంబైన్స్ పతాకంపై ‘విజేత' చిత్రం రూపొందుతోంది. పి.ఉదయభాస్కర్
దర్శకత్వంలో వి.దొరస్వామిరాజు ఈ చిత్రాన్ని నిర్మిస్తున్నారు. కథానాయికలుగా సంజన, శ్వేతాబసుప్రసాద్
నటిస్తున్నారు. ఈ చిత్రం విశేషాలు వెల్లడించేందుకు హైదరాబాద్ ఫిలిం ఛాంబర్‌లో ఏర్పాటు
చేసిన పాత్రికేయుల సమావేశంలో నిర్మాత దొరస్వామిరాజు మాట్లాడుతూ నేడు పాటల రికార్డింగ్
ప్రారంభించామని, లవ్, ఫ్యామిలీ, రొమాంటిక్ ఎంటర్‌టైనర్‌గా రూపొందిస్తున్న ఈ చిత్రం
మంచి సినిమాగా ఉంటుందని, జూలైలో రెగ్యులర్ షూటింగ్ మొదలుపెట్టి, అక్టోబర్‌లో చిత్రాన్ని
విడుదల చేస్తామని తెలిపారు.
తారకరత్న
మాట్లాడుతూ ‘వి.ఎం.సి
సంస్థలో సినిమా చేయడం అదృష్టంగా భావిస్తున్నాను.
కుటుంబ ప్రేక్షకులతో పాటు యువతని ఆకట్టుకునే
సినిమా ఇది. ఫ్యామిలీ అంతా
కలిసి చూసే విధంగా చిత్రాన్ని
రూపొందిస్తున్నారు' అన్నారు.
దర్శకుడు
పి. ఉదయ భాస్కర్ మాట్లాడుతూ
‘జూ.ఎన్టీఆర్‌తో ‘సింహాద్రి' వంటి
విజయవంతమైన సినిమాను అందించిన సంస్థ ఇప్పుడు తారకరత్నతో
చేస్తున్న ‘విజేత' కూడా అదే స్థాయి
విజయాన్ని సాధిస్తుంది. ఫ్యామిలీ, లవ్, రొమాంటిక్ ఎంటర్‌టైనర్‌గా ఈ
చిత్రం రూపొందుతోంది' అన్నారు.
ఈ కార్యక్రమంలో రామసత్యనారాయణ, సంగీత దర్శకుడు అర్జున్,
సాగర్, టి.ప్రసన్నకుమార్, అశోక్‌కుమార్, మోహన్‌వడ్లపట్ల తదితరులు
పాల్గొన్నారు. కృష్ణుడు, షాయాజీషిండే, చంద్రమోహన్, ఎమ్మెస్ నారాయణ, ఝాన్సీ, తాగుబోతు రమేష్, ధన్‌రాజ్, నందన్,
హేమసుందర్, బి.హెచ్.ఇ.ఎల్ ప్రసాద్ తదితరులు
నటిస్తున్న ఈ చిత్రానికి కెమెరా:
కంకణాల శివరాంరెడ్డి, సంగీతం: అర్జున్, ఎడిటింగ్: పి.శ్రీనివాస్, నిర్మాత:
వి.దొరస్వామిరాజు, స్క్రీన్‌ప్లే, దర్శకత్వం: పి.ఉదయభాస్కర్.
0 comments:
Post a Comment