కృష్ణవంశీ,
నాని కాంబినేషన్లో రూపొందుతోన్న ‘పైసా’ చిత్రం ప్రస్తుతం హైదరాబాద్ పరిసర ప్రాంతాల్లో షూటింగ్
జరుపుకుంటోంది. పలు కీలక సన్నివేశాలు
ఇక్కడ చిత్రీకరిస్తున్నారు. ఎల్లోఫ్లవర్స్‌ సంస్థ‌పై రమేష్
పుప్పాల ఈ చిత్రాన్ని నిర్మిస్తున్నారు.
నాని సరసన మలయాళీ ముద్దుగుమ్మ
కేథరీన్‌ హీరోయిన్ గా నటిస్తోంది.
వాస్తవానికి
ఈచిత్రానికి తొలుత ‘జెండాపై కపి రాజు’ అనే టైటిల్ అనుకున్నప్పటికీ...ఆ తర్వాత నిర్మాత
రమేష్ పుప్పాల ‘పైసా’అనే టైటిల్ ఫిల్మ్
ఛాంబర్లో రిజిస్టర్ చేయించి ఖరారు చేశారు. ఈ
చిత్రం ఓ రొమాంటిక్ ఎంటర్టైనర్
గా రూపొందుతోంది. పైసాలో పరమాత్మ అనే పాయింట్ బేస్
చేసుకుని డబ్బు చుట్టూ ఈచిత్రం
తిరుగుతుందని తెలుస్తోంది.
చాలా
కాలంగా సరైన హిట్ లేని
కృష్ణ వంశీ ఈ సారి
తన క్రియేటివిటీకి బాగా పదును పెట్టి
ఎలైగైనా హిట్ కొట్టాలనే కసితో
ఉన్నాడు. సినిమా మేకింగ్ స్టయిల్ కూడా మార్చి డిఫరెంట్‌గా ఈ చిత్రాన్ని
రూపొందిస్తున్నారని తెలుస్తోంది. ఈ ఏడాది చివరికల్లా
ఈ చిత్రం ప్రేక్షకుల ముందుకు రానుంది.
నాని
ఈ చిత్రంతో పాటు గౌతం మీనన్
దర్శకత్వంలో ‘ఎటో వెళ్లి పోయింది
మనసు’ చిత్రంలో నటిస్తున్నాడు. మరో వైపు నాని
రాజమౌళి దర్శకత్వంలో నటించిన ‘ఈగ’ చిత్రం విడుదలకు సిద్దం అవుతోంది.
0 comments:
Post a Comment