Attack on Jr Ntr office in Hyderabad

హైదరాబాద్ ఫిల్మ్ నగర్ లోని జూనియర్ ఎన్టీఆర్ కార్యాలయంపై నిన్న అర్దరాత్రి(తెల్లవారితే గురువారం)గుర్తు తెలియని వ్యక్తులు దాడి చేసారు. అద్దాలు ద్వంసం చేసారు. అయితే దాడి చేసిన వారు కానీ,దానికి కారణాలు కాని తెలియటం లేదు. జూనియర్ ఇక్కడనుంచే ఇంతకు ఒక రోజు ముందు కొడాలి నాని విషయమై టీవీ మీడియాతో మాట్లాడారు. ఈ దాడి వెనక రకరకాల కారణాలను ఊహిస్తూ టీవీ ఛానెల్స్ వార్తలను ప్రసారం చేస్తున్నాయి. ఆయన తెలుగు దేశంలోనే కొనసాగుతాను అంటూ న్యూస్ ఛానెల్స్ ముందుకు వచ్చి మరీ తెలియచేసారు.

కొడాలి నాని వర్గీయలు కావచ్చని కొందరు,తాగి వచ్చిన కొందరు అయి ఉండవచ్చునని మరికొందరు ఊహిస్తున్నారు. అయితే అంతా సజావుగా ఉన్న ఈ సమయంలో ఎవరు దాడికి పాల్పడి ఉంటారనేది అర్దం కావటం లేదని సీనియర్స్ అంటున్నారు. పోలీసులు కేసు నమోదు చేసి ధర్యాప్తు చేస్తున్నారు. ఎన్టీఆర్ ప్రస్తుతం బాద్షా షూటింగ్ నిమిత్తం ఇటలీలో ఉన్నారు. ఇక గత రెండు రోజులుగా మీడియాలో ఎన్టీఆర్ కొడాలి నాని విషయమై నలుగుతున్నారు.

ఇక ప్రస్తుతం ఎన్టీఆర్ భాద్షా షూటింగ్ లో పాల్గొంటున్నారు. మొదటి షెడ్యూల్ ని దూకుడు తరహాలోనో ఫారిన్ షెడ్యూల్ తో అంటే ఇటిలీలో ప్రారంభించారు. తొలి షెడ్యూల్ ను ఏకధాటిగా 50 రోజుల పాటు ఇటలీలో ప్లాన్ చేశారు. అక్కడే రెండు పాటలు కాజల్,ఎన్టీఆర్ మధ్యన తీయనున్నారు. అలాగే ఎమ్.ఎస్ నారాయణ,కాజల్,వెన్నెల కిషోర్,ఎన్టీఆర్ మధ్యన కొన్ని ఎంటర్టైన్మెంట్ సీన్స్ ని తీస్తున్నారు. అంతేకాకుండా దూకుడు తరహాలో ఈ చిత్రంలోనూ బ్రహ్మానందం కీ రోల్ ప్లే చేస్తున్నారు.

బాద్షా లోని కొత్త విషయమై స్క్రిప్టు రైటర్ కోన వెంకట్ తన ట్విట్టర్ పేజీలో...ఈ సినిమాలో ఎన్టీఆర్ బ్రాండ్ న్యూ అవతార్ లో కనిపించనున్నాడు. ఎన్టీఆర్ అభిమానులు ఎలా చూడాలనుకుంటున్నారో అలాగే ఉంటారు అన్నారు. ఇక అందుకోసం ప్రత్యేకంగా ముంబై నుంచి మేకప్ స్పెషలిస్టులు వచ్చి మరీ ఎన్టీఆర్ ని ప్రత్యేకంగా తీర్చిదిద్దుతున్నారు. అందుకోసం ప్రత్యేకమైన ఫోటో సెసన్స్ కూడా నడిచాయి.

ఎన్టీఆర్ సైతం ఈ చిత్రంపై చాలా నమ్మకంగా ఉన్నారు. ఆయన మీడియాతో మాట్లాడుతూ...సినిమా హిలేరియస్ ఎంటర్టైన్మెంట్ గా ఉంటుంది అన్నారు. శ్రీను వైట్ల,ఎన్టీఆర్ కాంబినేషన్ అంటే జనం రకరకాలు అంచనాలు వేస్తున్నారు. వాటినన్నిటికీ అతీతంగా కథ,కథనం ఉంటాయి. పూర్తిగ మొదటినుంచి చివరి వరకూ పొట్ట పగిలేలా నవ్విస్తాము అన్నారు. గబ్బర్ సింగ్ తో సూపర్ హిట్ కొట్టిన గణేష్,దూకుడుతో సూపర్ హిట్ కొట్టిన శ్రీనువైట్ల కాంబినేష్ కాబట్టి తమకీ ఆ రేంజి హిట్ పడుతుందని ఎన్టీఆర్ పూర్తి నమ్మకంగా ఉన్నారు. ట్రేడ్ లో సైతం ఆ నమ్మకంతో హైప్ క్రియేట్ అవుతోంది.