Brahmi Jaffa as gajadonga

టాలీవుడ్ నవ్వుల డాన్ బ్రహ్మానందం ‘గజదొంగ'గా ప్రేక్షకులను అలరించడానికి రాబోతున్నాడు. భవాని మూవీస్ బ్యానర్ పై యు.శ్రీనివాసరావు నిర్మిస్తున్న ఈ చిత్రంలో బ్రహ్మీ టైటిల్ రోల్ చేస్తుండగా... చైతన్య, ప్రకృతి జంటగా నటిస్తున్నారు. ఈ చిత్రం ప్రారంభోత్సవం ఆదివారం రామానాయుడు స్టూడియోలో జరిగింది . ఆర్ ఎస్ సురేష్ దర్శకత్వం వహిస్తున్న ఈ చిత్రానికి వైజాగ్ సత్యనారాయణ క్లాప్ ఇవ్వగా, మరుధూరి రాజా కెమెరా స్విచ్ ఆన్ చేసారు, సురేష్ దర్శకత్వంలో తొలి సన్నివేశాన్ని చిత్రీకరించారు .

దర్శకుడు సురేష్ మాట్లాడుతూ...దర్శకుడిగా నాకిది మొదటి చిత్రం. ఈ చిత్రంలో బ్రహ్మానందం కీ రోల్ పోషిస్తున్నారు. కామెడి నేపధ్యంలో ఈ చిత్రం ఉంటుంది.ఈ నెల 23 నుంచి రెగ్యులర్ షూటింగ్ ప్రారంభమవుతుంది . 3 షెడ్యుల్లో సినిమాని పూర్తిచేస్తాము అని అన్నారు .

నిర్మాత మాట్లాడుతూ..బ్రహ్మానందం, అలీ, ఎం.ఎస్ నారాయణ వంటి ఆర్టిస్టులతో ఓ కామెడి సినిమా చేయాలనేది నా కోరిక , ఆ కోరికను ఈ గజదొంగ చిత్రం ద్వారా తీర్చుకుంటునాను. గజదొంగ గా బ్రహ్మానందం నటిస్తున్నారు. ఆయన చుట్టూ ఈ కధ తిరుగుతుంది . మా ఈ సినిమాని ఆదరిస్తారని ఆశిస్తున్నాను అని అన్నారు .

బ్రహ్మానందం, చైతన్య, ప్రకృతి , జీవా, ధనరాజ్ , రఘుబాబు , అలీ, కొండవలస, తాగుబోతు రమేష్ తదితరులు నటిస్తున్న ఈ చిత్రానికి కధ : శ్రీనివాస్ డి , మాటలు:మరుధూరి రాజా, కెమెరా: రాహుల్ , ఎడిటింగ్: ఉపేంద్ర , నిర్మాత: యు శ్రీనివాస్, స్క్రీన్ ప్లే - దర్శకత్వం : ఆర్ ఎస్ సురేష్.

మరో వైపు బ్రహ్మీ వెన్నెల కిషోర్ దర్శకత్వంలో జఫ్ఫా చిత్రం చేస్తున్న సంగతి తెలిసిందే. బ్రహ్మానందం కామెడీకి మంచి డిమాండ్ ఉండటంతో పలువురు దర్శక నిర్మాతలు ఆయన్నే లీడ్ గా పెట్టి పలు సినిమాలు ప్లాన్ చేస్తున్నారు.