Dookudu Sequel

మహేష్ బాబు కెరీర్ డల్ గా ఉన్నప్పుడు కిక్ ఇచ్చి మళ్లీ పట్టాలు ఎక్కించిన చిత్రం 'దూకుడు'. శ్రీను వైట్ల దర్శకత్వంలో రూపొందిన ఈ చిత్రం పూర్తి స్ధాయి కామెడీగా రూపొందింది. ఈ చిత్రం సీక్వెల్ చేయాలని మహేష్ ఆసక్తి చూపుతున్నట్లు సమాచారం. దాంతో 'దూకుడు 2'కి దర్శకుడు శ్రీను వైట్ల స్క్రిప్టు సిద్ధం చేస్తున్నట్లు తెలుస్తోంది. దూకుడులోని పాత్రకు కొనసాగింపుగా ఈ చిత్రం తయారవుతోంది. అయితే బ్యాక్ డ్రాప్ మారుతుందని,కామిడీ కూడా కొత్త తరహాలో ఉండేటట్లుగా రెడీ చేస్తున్నట్లు చెప్తున్నారు. ఈ మేరకు పూర్తి వివరాలు కొద్ది రోజుల్లో వెల్లడవుతాయి.

ఇక ప్రస్తుతం మహేష్ బాబు...శ్రీకాంత్ అడ్డాల దర్శకత్వంలో రూపొందుతున్న సీతమ్మ వాకిట్లో సిరిమల్లె చెట్టు చిత్రంలో చేస్తున్నారు. వెంకటేష్ సోదరుడుగా ఈ చిత్రంలో ఆయన కనిపించనున్నారు. సమంత హీరోయిన్ గా చేస్తున్న ఈ చిత్రాన్ని దిల్ రాజు నిర్మిస్తున్నారు. ఉమ్మడి కుటుంబాలు,అన్నదమ్ముల అనుబంధం వంటి విషయాలను ఇందులో చూపించనున్నట్లు దర్శక,నిర్మాతలు చెప్తున్నారు. ప్రస్తుతం సమంత,మహేష్ ల వివాహానికి సంభందంచిన సన్నివేశాలను రామోజీ ఫిల్మ్ సిటీలో వేసిన సెట్ లో షూట్ చేస్తున్నారు.

ఈ చిత్రం కాక మహేష్..సుకుమార్ దర్శకత్వంలోనూ చిత్రం చేస్తున్నారు. ఈ మేరకు కొద్ది రోజులు క్రితం ప్రత్యేకంగా వేసిన సెట్ లో మహేష్,డాన్సర్లపై ఓ సాంగ్ చిత్రీకరించారు. దేవిశ్రీ ప్రసాద్ అందించిన ఆ పాట మరో ట్రెండ్ సెట్టర్ అవుతుందని చెప్తున్నారు. మహేష్ ఇప్పటివరకూ చేయని జెనర్ లో ఆ చిత్రం రెడీ అవుతోందని, ధ్రిల్లర్ నేరేషన్ లో చిత్రం నడుస్తుందని చెప్తున్నారు. మహేష్ పాత్ర చిత్రంలో హైలెట్ గా ఉండనుందని సమాచారం.

శ్రీను వైట్ల విషయానికి వస్తే..ప్రస్తుతం బాద్షా చిత్రం షూటింగ్ లో ఆయన బిజీగ ఉన్నారు. ఎన్టీఆర్ హీరోగ చేస్తున్న ఈ చిత్రం హిలేరియస్ ఎంటర్టనర్ అని చెప్తున్నారు. ఎన్టీఆర్ సైతం ఈ చిత్రంపై చాలా ఆశలు పెట్టుకున్నారు. ఇప్పటివరకూ తాను చేయని కామెడీని తెరపై చూడవచ్చని,రెండు గంటలు సేపు కంటన్యూగా తమ చిత్రం పొట్ట పగిలేలా నవ్విస్తుందని ఎన్టీఆర్ హామీ ఇస్తున్నాడు.